Retorno

¡Xa estamos en Skellefteå! Tras unha viaxe sen maiores contratempos que un pequeno retraso en Frankfurt, topámonos con estes -23ºC e unha cantidade de neve que me pega a risa das estampas en Campo Lameiro, Santiago, etcétera. Parece que é un lugar diferente ó que eu deixei fai case un mes. Menos mal que nos cambiamos de piso para un que está moito máis preto da Universidade e do centro, porque xa non son aquel rapaz toleirón que bicicleteaba a -32 por Joensuu sen esforzo. Bueno, sí que son, que se teño que poñerme non se me van a caer os aneis. Disfrutaríao ben. De feito, estou desexando emprender a viaxe que temos planeada a Levi a principios de Febreiro para intentar aprender a esquiar. A ver se apaño unhas leccións primeiro por aquí. Ímonos vendo, muchachada.

Por certo, na cuarta foto, ó lado de Saleta hai duas bicis: unha vese e a outra intúese baixo as formas cuasi eróticas da neve que a cobre.