Berenxenas reenchidas

Cortamos as berenxenas á metade, facémoslle uns cortes na carne sen chegar á pel, botámoslle un pouco de aceite e sál, e metémolas ó forno a 200 graos 20 minutos. Mentres, nunha tixola poñemos cebola, pemento e allo e fritímolo un pouco. Despois engadimos carne picada salpementada e a carne das berenxenas, deixámolas cociñar un pouco.

Para facela bechamel, noutra sarten ou nun cazo pequeno poñemos un pouco de aceite e cando esté quente botamos media cullerada de fariña e cociñámola. Imos engadindo pouco a pouco leite mentres removemos ata que colla a consistencia adecuada.

Enchemos as berenxenas coa mezcla anterior e cubrímola coa bechamel, poñémoslle un pouco de queixo porriba e gratinámolas no forno. Servimos cun pouco de perixel picado espolvoreado porriba, e a papar.

Como en Suecia se cena moi cedo e hoxe tiña tempo e gañas de cazolear, boteime a facerlle unha homenaxe a arroz con huevos. Bo, a dicir verdade o da homenaxe ocorréuselle unha vez a Saleta e eu roubei a idea. Gracias a Jaime e a todo o seu equipo por semellante mostra da gastronomía contemporánea que nos permite enriquecer o noso libro de receitas mentres botamos unhas risadas. Noutra ocasión farei unha receita sueca, pero nese caso espero poder cumprir o meu soño e publicar en arroz con huevos.

PD

A min tamén me pareceu raro que a palabra correcta sexa reenchidas, pero seica é así.

PD 2

Sobrou bechamel e quixen facela artistada coma se fora salsa, pero non me saíu moi ben, ou? Teño moito que aprender do homenaxeado.